Happy Tihar
देउसी–भैलो कार्यक्रम–२०८३
नेपालीहरूको महान् सांस्कृतिक एवं धार्मिक पर्व शुभ दीपावलीको पावन अवसरमा हाम्रो मौलिक संस्कृति, परम्परा तथा सांस्कृतिक सम्पदाको संरक्षण र प्रवर्द्धन गर्ने उद्देश्यले यस विद्यालयमा देउसी–भैलो कार्यक्रम–२०८३ आयोजना गर्न लागिएको सहर्ष जानकारी गराइन्छ।
उक्त कार्यक्रममा विद्यार्थीहरूको प्रतिभा, कला तथा सांस्कृतिक प्रस्तुतिहरू रहने भएकाले सम्पूर्ण विद्यार्थीहरूलाई उत्साहजनक सहभागिताका लागि हार्दिक अनुरोध गरिन्छ।
कार्यक्रम विवरण:
मिति: २०८३ साल कार्तिक २० गते, शुक्रबार
समय: दिउँसो १:०० बजे
रङ्गोली प्रतियोगिता
नेपालीहरूको महान् पर्व तिहारको शुभ अवसरमा यस विद्यालयमा विद्यार्थीहरूको सिर्जनशीलता, कलात्मक प्रतिभा तथा सांस्कृतिक पहिचानको विकास गर्ने उद्देश्यले रङ्गोली प्रतियोगिता आयोजना गर्न लागिएको जानकारी गराइन्छ।
उक्त प्रतियोगिता निम्न मिति, समय र स्थानमा सञ्चालन हुने भएकाले विद्यार्थीहरूलाई उत्साहपूर्वक सहभागी हुन अनुरोध गरिन्छ।
मिति: २०८३ साल कार्तिक २० गते, शुक्रबार
समय: बिहान ११:०० बजे
सम्पूर्ण विद्यार्थीहरूको सक्रिय सहभागिताका लागि हार्दिक अनुरोध गर्दछौँ।
📢 अत्यन्त जरुरी सूचना
आदरणीय अभिभावक ज्यू, विद्यार्थी, शिक्षक–शिक्षिका तथा कर्मचारीहरूमा जानकारी
कागेश्वरी मनोहरा नगरपालिकाबाट जारी गरिएको सूचनाअनुसार प्रतिकूल मौसम तथा भारी वर्षाको सम्भावनालाई मध्यनजर गर्दै विद्यार्थी, शिक्षक तथा कर्मचारीहरूको सुरक्षाका लागि आश्विन ९, १० र ११ गते विद्यालयका नियमित तथा अतिरिक्त कक्षाहरू सञ्चालन हुने छैनन्।
यस अवधिमा सम्पूर्ण अभिभावक ज्यूहरूले आफ्ना बालबालिकाको विशेष ख्याल राखी सुरक्षित रहनुहुन हार्दिक अनुरोध गर्दछौँ।
🏫 विद्यालय पुनः सञ्चालन
२०८३ साल आश्विन १२ गते सोमबारदेखि विद्यालयका सम्पूर्ण कक्षाहरू नियमित रूपमा सञ्चालन हुनेछन्।
Holiday Notice
बिदा सम्बन्धी सूचना
🌺 तीज तथा ऋषि पञ्चमीको हार्दिक शुभकामना 🌺
आदरणीय अभिभावकज्यूहरू, विद्यार्थीहरू तथा शिक्षक–कर्मचारीवर्गलाई सूचित गरिन्छ कि हरितालिका तीज तथा ऋषि पञ्चमी पर्वको अवसरमा विद्यालयको नियमित पठनपाठन देहायबमोजिम बन्द रहने व्यहोरा सम्बन्धित सबैको जानकारीका लागि यो सूचना प्रकाशित गरिएको छ।
📅 २९ गते भदौ, २०८३ : तीज
📅 ३० गते भदौ, २०८३ : ऋषि पञ्चमी
नोट : भदौ २९ र ३० गते बिहानी कक्षाहरू समेत बिदा रहनेछन् ।
विद्यालयको नियमित पठनपाठन ३१ गते भदौ, २०८३ गतेदेखि पूर्ववत् समयअनुसार सञ्चालन हुनेछ।
यस पावन अवसरमा सम्पूर्ण विद्यार्थी, अभिभावक तथा शिक्षक–कर्मचारीहरूमा सुख, शान्ति, समृद्धि एवं हार्दिक शुभकामना व्यक्त गर्दछौँ।
-विद्यालय प्रशासन
एक दिने पद यात्रा सम्बन्धि सूचना
आदरणीय अभिभावक ज्यू,
विद्यार्थीमा अतिरिक्त ज्ञानको विकास होस् भन्ने उद्देश्यका साथ यस विद्यालयमा कक्षा आठ, नौ र दसमा
अध्ययनरत विद्यार्थीहरुलाई यहि असोज ३१ गते शुक्रबारको दिन पद यात्रा (HIKING) को कार्यक्रम रहेको
जानकारी गराउन चाहन्छौं । उक्त दिनको लागि आफ्ना नानीबाबुहरुलाई विद्यालयको HOUSE UNIFORM मा पठाउन हुनको लागि जानकारी गराउदछौं ।
विद्यालय सञ्चालन सम्बन्धमा ।
आदरणीय अभिभावकवर्ग,शिक्षक शिक्षिका, कर्मचारी एवं प्रिय विद्यार्थीहरु,
विषय :-विद्यालय सञ्चालन सम्बन्धमा ।
उपरोक्त सम्बन्धमा मिति २०८२ साल अशोज २३ गते बिहिवार देखि यस विद्यालयको नियमित पठनपाठन तथा प्रशासनिक गतिविधि नियमित समयमै सञ्चालन हुने ब्यहोरा सम्बन्धित सबैमा जानकारी गराईन्छ । धन्यवाद !
दसैको लामो बिदा पश्चात् विद्यालय खुलेको हुनाले विध्यार्थिहरुलाइ विद्यालयमा आवश्यक पर्ने सम्पूर्ण शैक्षिक सामाग्रीका साथमा कपाल तथा नङ् काटेर पठाउनुहुन अनुरोध गर्दछौ ।
-विद्यालय प्रशासन
चौथो छन्द कविता वाचन प्रतियोगिता २०८३ मा जुनियर तर्फ सन्ध्या थापा मगरले चौंथो स्थान प्राप्त गर्न सफल
कागेश्वरी मनोहरा प्याब्सन नगर कमिटीले आायोजना गरेको चौथो छन्द कविता वाचन प्रतियोगिता २०८३ मा जुनियर तर्फ सन्ध्या थापा मगरले चौंथो स्थान प्राप्त गर्न सफल भएकोमा धेरै धेरै बधाई तथा शुभकामना …
मितिः२०८३-०३-१२
फ्रेसर्स मिट (Fresher's Meet)कार्यक्रम सम्पन्न
प्रारम्भ एकेडेमीमा २०८३ साल जेठ १ गते शुक्रबार नयाँ विद्यार्थी तथा शिक्षकहरूलाई स्वागत गर्दै “फ्रेसर्स मिट” कार्यक्रम भव्य रूपमा सम्पन्न भएको छ। कार्यक्रममा विद्यार्थीहरूको उत्साहजनक सहभागिता रहेको थियो भने विभिन्न सांस्कृतिक प्रस्तुति, परिचय कार्यक्रम तथा मनोरञ्जनात्मक गतिविधिहरू सञ्चालन गरिएको थियो। विद्यालय परिवारले सम्पूर्ण नयाँ विद्यार्थी तथा शिक्षकहरूलाई हार्दिक स्वागत गर्दै उज्ज्वल शैक्षिक यात्राको शुभकामना व्यक्त गरेको छ।
जेनिसा कटवाल पहिलो छन्द कविता वाचन प्रतियोगितामा चौथो स्थान प्राप्त गर्न सफल
निसानको आयोजना तथा मदन भण्डारी मेमोरियल विद्यालयको संयोजनमा आयोजित पहिलो छन्द कविता वाचन प्रतियोगितामा चौथो स्थान प्राप्त गर्न सफल भएकोमा यस विद्यालयकि छात्रा जेनिसा कटवाललाई धेरै धेरै बधाई तथा शुभकामना …
[ मिति २०८२/०८/२३ गते, मंगलबार]
तिहार तथा देउसी भैलो कार्यक्रम
मिति २०८२ साल् कार्तिक २ गते यस विध्यालयमा तिहार तथा देउसी भैलो कार्यक्रम सम्पन्न भएको छ ।
